ღირსეული დასტაქარი

ავტორი: გურამ მგალობლიშვილი, მედიცინის მეცნიერებათა დოქტორი, პროფესორი



ერთხელ პროფესორმა ახმეტელმა მითხრა: „გაკვირვებული ვარ, მამაჩემის მამამ როგორ შეძლო, მეფის დროს შვილებისათვის ბრწყინვალე განათლება მიეცა?“
ბატონო თენგიზ, აქ ჩემთვის გასაკვირი არაფერი იყო, გარდა თქვენი თავმდაბლობისა, ვინაიდან კარგად მოგეხსენებათ, რომ საკითხის საიდუმლო მატერიალური საკითხის გარდა, ყმაწვილთა მძლავრ სულიერ აღზრდასა და მაღალ ნიჭიერებაში იმალებოდა.
თქვენი მამა, ბატონი ილია, სანკ-პეტერბურგში წარჩინებული მოღვაწეობის შემდეგ თბილისში ქირურგიული კათედრის გამგე, პროფესორი, შესანიშნავი ინოვატორი იყო. ძმა მისი, რეჟისორი სანდრო ახმეტელი ქართველთათვის სათაყვანო პირონება გახდა... მომდევნო ორ თაობაში ოჯახმა საზოგადოებას ოთხი მედიცინის დოქტორი – ქირურგი, ხოლო მათ შორის, თქვენის სახით – ქირურგიული კათედრის გამგე, საქართველოს გ.მუხაძის სახ. ქირურგთა სამეცნიერო საზოგადოების თავმჯდომარე, აკადემიკოსი... მისცა.
ერთადერთი, რაც შემიძლია პატივისცემით გითხრათ: ბარაქალა თქვენ!

გურამ მგალობლიშვილი
მედიცინის მეცნიერებათა დოქტორი, პროფესორი

-------------------------------------------------------------

თენგიზ ახმეტელი დაიბადა 1924 წ. გამოჩენილი ქართველი ქირურგის – ილია ახმეტელის ოჯახში.
თენგიზ ახმეტელის პედაგოგიური და სამეც­ნიერო-პრაქტიკული მოღვაწეობა დაკავშირე­ბუ­ლია თბილისის სახელმწიფო სამედიცინო ინსტი­ტუტთან, სადაც ჰოსპიტალური ქირურგიის კა­თედრაზე 1961 წლიდან განვლო სახელოვანი გზა ასისტენტობიდან კათედრის გამგემდე.
1957 წელს დაიცვა საკანდიდატო დისერტაცია, 1967 წელს მოსკოვში, ქირურგიის ცენტრში – სადოქტორო დისერტაცია. 1970 წლიდან პრო­ფე­სო­რია, მინიჭებული აქვს საქართველოს მეცნიე­რე­ბის დამსახურებული მოღვაწის წოდება, მე­დიკო-ბიოლოგიური და სამხედრო სამედიცინო მეცნიერების აკადემიების აკადემიკოსია.
მისი სამეცნიერო პრაქტიკული მოღვაწეობის სფეროა – ფარისებრი ჯირკვლის დაავადებები, მუც­ლის ღრუს ქირურგია, ურგენტული გასტრო­ენ­ტეროლოგია, პერიტონიტი.
გამოქვეყნებული აქვს 265 სამეცნიერო შრომა, მათ შორის 20 მონოგრაფია, რამდენიმე დამხმარე სახელმძღვანელო. მისი ხელმძღვანელობით შეს­რუ­ლებულია 8 სადოქტორო და 15 საკანდიდატო დისერტაცია. მის მიერ შესრულებული ათასობით ოპერაცია გამირჩეოდა მაღალი პროფესიონა­ლიზ­მით, უბადლო ოპერაციული ტექნიკით, უზადო შეს­რულებით. მისი მადლიერია ათასობით გადარ­ჩენილი პაციენტი.
მრავალი წლის მანძილზე იყო სამედიცინო ინს­ტი­ტუტის ასპირანტურის განყოფილების გამგე, სპეციალიზირებული სადისერტაციო საბჭოს თავმჯდომარე, საკავშირო სამედიცინო აკადემიას­თან არსებული საპრობლემო კომისიის თავმჯდო­მარის მოადგილე, არაერთი სამედიცინო ჟურნა­ლის სარედაქციო კოლეგიის და საბჭოს წევრი, რამდენიმე შრომათა კრებულის მთავარი რედაქ­ტორი.
არის გრ. მუხაძის სახ. თბილისის ქირურგთა სამეცნიერო საზოგადოების თავმჯდომარე, თბი­ლისის სახელმწიფო სამედიცინო უნივერსიტეტის მრჩეველთა საბჭოს წევრი.
დაბადების 80 წლისთავთან დაკავშირებით სა­ქართველოს ქირურგთა ასოციაციის მიერ და­ჯილდოვებულია ოქროს სამახსოვრო მედლით და ოქროს სკალპელით.
არის ღირსების ორდენის კავალერი.

ნანახია: 4961 | შეფასებულია: 0 | რეიტინგი: [0.00]  

შეფასება

შესაფასებლად გაიარეთ ავტორიზაცია, ან დარეგისტრირდით

კომენტარები

კომენტარის დასამატებლად გაიარეთ ავტორიზაცია, ან დარეგისტრირდით