საქართველოს ჯანდაცვა

ჯანდაცვა და სოციოლოგია

სიახლეები

გაიდლაინი

NOTA BENE

თარგმანი

CASE REPORT

კლინიკური რეკომენდაციები

კვლევა

პრეს–რელიზი

ჩვენი თანამედროვე

რეპროდუქციული ჯანმრთელობა

ლიტერატურული გვერდი


ძებნისთვის ჩაწერეთ
4 ან მეტი სიმბოლო



გულისნაცვალი [5.00]

კლიმატის ცვლილებები [5.00]

ფილტვის არაწვრილუჯრედოვანი კიბო: დიაგნოსტიკის, მკურნალობისა და შემდგომი დაკვირვების კლინიკური რეკომენდაციები [5.00]

ბალანსი ოჯახსა და კარიერას შორის საქართველოში სამედიცინო სფეროს წარმომადგენელ მეცნიერ ქალებში [5.00]

ერთიანი ევროპული სივრცისაკენ საქართველოში უწყვეტი პროფესიული განვითარება/განათლების პერსპექტივები [5.00]


ჰერპეს ზოსტერი [38432]

სარკოიდოზისა და სარძევე ჯირკვლის კიბოს ერთდროულად არსებობა [20958]

კლიმატის ცვლილებები [11742]

პერინატალური ინფექციები [10627]

ფილტვის არაწვრილუჯრედოვანი კიბო: დიაგნოსტიკის, მკურნალობისა და შემდგომი დაკვირვების კლინიკური რეკომენდაციები [9744]


თემების რაოდენობა: 23
კომენტარები: 5

საქართველოს რესპირაციული ასოციაციის მეორე საერთაშორისო კონგრესი

ავტორი: ი. ჩხაიძე, კონგრესის თავმჯდომარე


საქართველოს რესპირაციული ასოციაციის II საერთაშორისო კონგრესისათვის მზადება დასკვნით ფაზაში შევიდა. კონგრესმა მნიშვნელოვანი როლი უნდა ითამაშოს ჩვენს რეგიონში რესპირაციული მედიცინის განვითარებაში. კონგრესის საორგანიზაციო კომიტეტი აქტიურად მუშაობს ამ მიმართეულებით. სომხეთში, თურქეთსა და აზერბაიჯანში ვიზიტების დროს ჩატარდა შეხვედრები ეროვნული რესპირაციული ასოციაციების, სამედიცინო უნივერსიტეტების, წამყვანი კლინიკების წარმომადგენლებთან. ჩვენს კოლეგებს მივაწოდეთ დეტალური ინფორმაცია 2010 წლის კონგრესის შესახებ. ამ ქვეყნებიდან ჩვენ ველოდებით არა მხოლოდ სპიკერების, არამედ საკმაოდ მრავალრიცხოვანი დელეგაციების ჩამოსვლას. წინასწარი ინფორმაციით, კონგრესის მუშაობაში მონაწილეობას მიიღებს 500-ზე მეტი ექიმი, მათ შორის დაახლოებით 100 დელეგატი სომხეთიდან, თურქეთიდან, აზერბაიჯანიდან, ბულგარეთიდან, ლიტვიდან, უკრაინიდან, ბელორუსიიდან, ლატვიიდან. კონგრესის შესახებ ინფორმაცია უკვე განთავსებულია საერთაშორისო კონგრესების საძიებელ ინტერნეტ-რესურსებში. რაც ყველაზე მნიშვნელოვანია, ჩვენი კონგრესის ფარგლებში ტარდება ევროპის რესპირაციული საზოგადოების (ERS) სკოლა-სემინარი „რესპირაციული ინფექციები: ბავშვობის ასაკიდან მოზრდილობამდე“, რომელიც შეტანილია ევროპის რესპირაციული საზოგადოების 2010 წლის საგანმანათლებო ღონისძიებათა ჩამონათვალში, ხოლო თვით კონგრესი ანონსირებულია ევროპის რესპირაციული საზოგადოების მიერ (www.ersnet.org).

კონგრესზე სრული სპექტრით იქნება წარმოდგენილი ჩვენი ქვეყნის წამყვანი პროფესორები და სპეციალისტები რესპირაციული მედიცინის ყველა სფეროში: პულმონოლოგია, ონკოლოგია, ფთიზიატრია, ალერგოლოგია, პედიატრია, გულმკერდის ქირურგია, საოჯახო მედიცინა და კრიტიკული მედიცინა.
კონგრესის მიმდინარეობისას მოეწყობა გამოფენა, რომელშიც მონაწილეობას მიიღებს 20-მდე ფარმაცევტული კომპანია.

საერთაშორისო კონგრესის წარმატებას ორი ძირითადი ფაქტორი განაპირობებს: კონგრესის ჩატარების ადგილი და მასში მონაწილე სპიკერებით განპირობებული მისი სამეცნიერო დონე. ჩატარების ადგილი (ქ. ბათუმი, სასტუმრო შერატონი) ვფიქრობთ იდეალურად პასუხობს პირველ მოთხოვნას. რას შეეხება კონგრესის სამეცნიერო დონეს, წარმოგიდგენთ იმ სპიკერებს, რომელთაგან დღეისათვის უკვე მიღებული გვაქვს თანხმობა. ამ ჩამონათვალის გაცნობის შემდეგ შეიძლება მეორე ფაქტორიც დაკმაყოფილებულად ჩაითვალოს: ენდრიუ ბუში (დიდი ბრიტანეთი) – პედიატრიული რესპიროლოგიის პროფესორი, გულის და ფილტვის ნაციონალური ინსტიტუტის აკადემიური დირექტორი პედიატრიაში, ბრომპტონის სამეფო ჰოსპიტალის მთავარი კონსულტანტი; მარკ ზელტერი (საფრანგეთი) – პროფესორი, პიერ და მარი კიურის უნივერსიტეტის პნევმოლოგიური სამსახურის ხელმძღვანელი, ევროპის რესპირაციული საზოგადოების ყოფილი პრეზიდენტი; ერნსტ ებერი (ავსტრია) – პროფესორი, გრაცის სამედიცინო უნივერსიტეტის პედიატრიული დეპარტამენტის რესპირაციის და ალერგიის დივიზიონის ხელმძღვანელი; კოსტა კოსტოვი (ბულგარეთი) – პროფესორი, ბულგარეთის რესპირაციულ დაავადებათა საზოგადოების პრეზიდენტი, სოფიის სამხედრო სამედიცინო აკადემიის განყოფილების ხელმძღვანელი; დანაილ პეტროვი (ბულგარეთი) – პროფესორი, გულმკერდის ქირურგთა ევროპის საზოგადოების საბჭოს წევრი, წმინდა სოფიას უნივერსიტეტის გულმკერდის ქირურგიის კლინიკის ხელმძღვანელი; არუნას ვალიულისი (ლიტვა) – პროფესორი, ლიტვის რესპირაციული პედიატრიული საზოგადოების პრეზიდენტი, ვილნიუსის საუნივერსიტეტო კლინიკის დეპარტამენტის ხელმძღვანელი; რიჩარდ ლაითი (აშშ) – პროფესორი, ვანდერბილტის უნივერსიტეტის ფილტვის დაავადებათა პროგრამის დირექტორი, ნეშვილის წმინდა თომასის კლინიკის დეპარტამენტის ხელმძღვანელი; გერნოთ როდე (გერმანია) – ბოხუმის ბერგმანშეილის საუნივერსიტეტო ჰოსპიტალის პნევმოლოგიის, ალერგოლოგიის და ძილის მედიცინის დეპარტამენტის ხელმძღვანელი; ალი კოცაბაში (თურქეთი) – ევრაზიის და ხმელთაშუა ზღვის ქვეყნების თორაკალური საზოგადოებების ფორუმის (FEMTOS) პრეზიდენტი, ჩუკუროვას უნივერსიტეტის პროფესორი; მუზაფერ მეტინტაში (თურქეთი) – თურქეთის თორაკალური საზოგადოების პრეზიდენტი, ოსმანგაზის უნივერსიტეტის გულმკერდის დაავადებათა დეპარტამენტის ხელმძღვანელი; დემოსთენეს ბუეროსი (საბერძნეთი) – პროფესორი, ალექსანდროპილისის საუნივერსიტეტო კლინიკის პულმონოლოგიური განყოფილების ხელმძღვანელი; ალექსანდრე ჩუჩალინი (რუსეთი) – რუსეთის რესპირაციული საზოგადოების პრეზიდენტი; ანდრეი ბელევსკი (რუსეთი) – პროფესორი, მოსკოვის მთავარი პულმონოლოგი; მიხეილ ნარიმანიანი (სომხეთი) – პროფესორი, ერევნის სახელმწიფო სამედიცინო უნივერსიტეტის პრორექტორი, ოჯახის ექიმთა კათედრის გამგე; მაგდა ეგიაზარიანი (სომხეთი) – ერევნის სახელმწიფო სამედიცინო უნივერსიტეტის ანესთიზიოლოგიის და კრიტიკული მედიცინის კათედრის პროფესორი; ელჯან მამედბეკოვი (აზერბაიჯანი) – პროფესორი, ფილტვის დაავადებათა სამეცნიერო-კვლევითი ინსტიტუტის დირექტორი.
ვფიქრობთ, კონგრესი საინტერესო და სასარგებლო იქნება მასში მონაწილე ყველა ექიმისთვის.

ნანახია: 3445 | შეფასებულია: 0 | რეიტინგი: [0.00]  



შეფასება

შესაფასებლად გაიარეთ ავტორიზაცია, ან დარეგისტრირდით


კომენტარები

კომენტარის დასამატებლად გაიარეთ ავტორიზაცია, ან დარეგისტრირდით



სახელი

პაროლი


2010 | მაისი–ივნისი | 16

2010 | მარტი–აპრილი | 15

2010 | იანვარი–თებერვალი | 14

2009 | ნოემბერი–დეკემბერი | 13

2009 | სექტემბერი–ოქტომბერი | 12

2009 | ივლისი–აგვისტო | 11

2009 | მაისი–ივნისი | 10

2009 | მარტი–აპრილი | 9

2009 | იანვარი–თებერვალი | 8

2008 | ნოემბერი–დეკემბერი | 7

2008 | სექტემბერი–ოქტომბერი | 6

2008 | ივლისი–აგვისტო | 5

2008 | მაისი–ივნისი | 4

2008 | მარტი–აპრილი | 3

2008 | იანვარი–თებერვალი | 2

2007 | ნოემბერი–დეკემბერი | 1


ჯანდაცვის მსოფლიო ორგანიზაცია

საქართველოს შრომის, ჯანმრთელობის და სოციალური დაცვის სამინისტრო

თბილისის სახელმწიფო სამედიცინო უნივერსიტეტი

ქართული google


დარეგისტრირებულია: 526

ამჟამად საიტზეა: 12

თქვენ ხართ სტუმარი No: 1248041


საიტის ავტორი: კობა კურტანიძე
© Copyright 2009-2017 MODERNPUBLISHING.GE
საიტზე არსებული მასალის გამოყენება ან გავრცელება, საიტის ადმინისტრაციის ნებართვის გარეშე, აკრძალულია.