სამედიცინო მენეჯმენტი

მიმოხილვა

გაიდლაინი

კვლევა

CASE REPORT

სიახლეები

თარგმანი

ჩვენი თანამედროვე

ლიტერატურული გვერდი


ძებნისთვის ჩაწერეთ
4 ან მეტი სიმბოლო



სამედიცინო დაწესებულების მართვის ისტორიული ასპექტები [5.00]

მარათონთან დაკავშირებული სიკვდილის მიზეზი ტვინის ღეროს ჰერნიაციაა, რაც რეჰიდრატაციასთან ასოცირებული ჰიპონატრემიის შედეგია [5.00]

მწვავე რევმატიული ცხელების ეტიოლოგია და იმუნოპათოგენეზი [5.00]

პროფესია – ექიმი, მოწოდება – მკურნალი [5.00]

მძიმე საყოფაცხოვრებო პნევმონიის ­­­­­მკურნალობა მოქსიფლოქსაცინით [5.00]


ფსორიაზისა და ფსორიაზული ართრიტის მართვა ნაწილი I. ფსორიაზი და ბიოლოგიური აგენტებით მისი მკურნალობის გაიდლაინი [9685]

არადემონსტრირებული გიგანტური ცისტადენომის შემთხვევა პუბერტული ასაკის პაციენტში [8598]

დერმატოლოგიური მანიფესტაციების კლინიკური რეკომენდაცია [8412]

მწვავე რევმატიული ცხელების ეტიოლოგია და იმუნოპათოგენეზი [8340]

სამედიცინო დაწესებულების მართვის ისტორიული ასპექტები [7734]


თემების რაოდენობა: 16
კომენტარები: 3

მძიმე საყოფაცხოვრებო პნევმონიის ­­­­­მკურნალობა მოქსიფლოქსაცინით

ავტორი: ა. ტორესი,1 რ. რიდი,2 ჰ. ლოუდი,3 ჯ. კარლეტი,4 ჯ. უინტერი,5 ჯ. გარაუ,6 ტ. ველთე,7 პ. არვისი, მ–ა. ლე ბერი,8 ს. ჩუდხრი 9
1Servei de Pneumologia i Allèrgia Respiratòria, Institut Clínic del Tòrax (ბარსელონა, ესპანეთი); 2გენომური მედიცინის განყოფილება, შეფილდის უნივერსიტეტის სამედიცინო სკოლა (შეფილდი, დიდი ბრიტანეთი); 3ბერლინის ქალაქის სავადმყოფო Berlin-H-Heckeshorn (ბერლინი, გერმანია); 4Saint-Joseph-ის საავადმყოფო (პარიზი, საფრანგეთი); 5ტეისიდის უნივერსიტეტის საავადმყოფოები NHS Trust (დანდი, შოტლანდია); 6Mūtua de Terrassa-ს საავადმყოფო (ბარსელონა, ესპანეთი); 7Medizinische Hochschule Hannover (ჰანოვერი, გერმანია); 8Bayer Pharma, Puteaux (საფრანგეთი); 9Bayer HealthCare Pharmaceuticals (ვესტ ჰევენი, CT, აშშ)

>>  მთელ მსოფლიოში პაციენტთა ჰოსპიტალიზაციის ერთ-ერთ ძირითად მიზეზად კვლავ რჩება საყოფაცხოვრებო პნევმონია და ამ დაავადების გამო ჰოსპიტალიზირებულ პაციენტთა 5-10% საჭიროებს ინტენსიური თერაპიის განყოფილებაში მკურნალობას1-2.
ევროპის ქვეყნებში ჩატარებულმა კვლევებმა გვიჩვენა, რომ ჰოსპიტალიზირებულთა შორის სიკვდილიანობა 14%-ს აჭარბებს3-6. ეს მაჩვენებელი კიდევ უფრო მაღალია იმ პაციენტებში, რომლებიც ინტენსიური თერაპიის განყოფილებებში საჭიროებენ მკურნალობას1-2,7-9.
ხშირ შემთხვევაში დაავადების გამომწვევი ფლორის დადგენა არ ხერხდება და მკურნალობა ტარდება ემპირულად შერჩეული ფართო სპექტრის იმ ანტიბიოტიკებით, რომლებიც ეფქტურია როგორც ტიპიური, ასევე ატიპიური პათოგენების შემთხვევაში.
მოქსიფლოქსაცინი გამოირჩევა მოქმედების ფართო სპექტრით როგორც გრამ-უარყოფითი, ასევე გრამ-დადებითი და ანაერობული მიკროორგანიზმების მიმართ.


მოქსიფლოქსაცინის დღეში ერთჯერადი საფეხურებრივი ინტრავენურ/ორალური (IV/PO) მიღება კომბინირებული ანტიბიოტიკოთერაპიის - ინტრავენურად ცეფტრიაქსონის
და ორჯერადად IV/PO ლევოფლოქსაცინის მიღების - ექვივალენტურია

თანამედროვე გაიდლაინებით საყოფაცხოვრებო პნევმონიის მკურნალობა (თუ დაავადების გამომწვევი არ არის Pseudomo­nas spp) რეკომენდებულია კომბინირებული ანტიბიოტიკოთერაპიით _ არაანტიფსევდომონადური მესამე თაობის ცეფალოსპორინითა და მაკროლიდით, ან არაანტიფსევდომონადური მესამე თაობის ცეფალოსპორინითა და მოქსიფლოქსაცინით ან ლევოფლოქსაცინით. კვლევის მიზანი იყო საყოფაცხოვრებო პნევმონიის მონოანტიბიოტიკოთერაპიით მკურნალობის ეფექტურობის დადგენა კომბინირებული ანტიბიოტიკოთერაპიით მკურნალობასთან შედარებით.

კვლევის მიზანი
კვლევა MOTIV-ის მიზანი იყო მძიმე საყოფაცხოვრებო პნევმონიის გამო ჰოსპიტალიზირებული პაციენტების მოქსიფლოქსაცინით (400 მგ დღეში ერხელ) მონოთერაპიის ეფექტურობის შეფასება კომბინირებული ანტიბიოტიკოთერაპიით – ცეფტრიაქსონის მაღალი დოზით (2გ დღეში ერთხელ) და ლევოფლოქსაცინს მაღალი დოზით (500 მგ ორჯერ დღეში) – მკურნალობასთან შედარებით.

კვლევის მასალა და მეთოდები
კვლევის ფორმა
MOTIV იყო მოსალოდნელ შედეგზე ორიენტირებული, რანდომიზებული, მულტიცენტრული, ორმაგი-პლაცებო, ორმაგი-ბრმა კვლევა.
პაციენტები
კვლევაში მონაწილეობდნენ პაციენტები (ასაკი ≥ 18 წელი), რომლებიც აკმაყოფილებდნენ შემდეგ კრიტერიუმებს:
• ცხელება (რექტალური/ტიმპანიკური ტემპერატურა ≥38.5°C, ან აქსილარული/ორალური/კუტანეული ტემპერატურა ≥38.0°C) ან ჰიპოთერმია (რექტალური, ტიმპანიკური ტემპერატურა ≥35.5°C, ან აქსილარული/ორალური/კუტანეური ტემპერატურა ≥35.0°C) და/ან სისხლის თეთრი უჯრედების რაოდენობა >10,000/μL, ან მოუმწიფებელი ნეიტროფილები ≥15% მიუხედავად პერიფერიული ლეიკოციტების რაოდენობისა, ან საერთო ლეიკოციტების რაოდნობა <4500/μL;
• სულ მცირე ორი მახასიათებელი შემდეგი ჩამონათვალიდან:
•• ხველა;
••ჩირქოვანი ნახველი;
••დისპნოე ან ტაქიპნოე (>20 ჩასუნთქვა/წთ);
••შემცივნება და/ან კანკალი;
••ტკივილი გულმკერდის არეში;
••ხიხინი/ხმაურიანი სუნთქვა და/ან მკვრივი სუნთქვა;
• რადიოლოგიური კვლევით დადასტურებული პულმონალური ინფილტრატის არსებობა ბაქტერიული პნევმონიის საწყის ეტაპზე, ან მისი დაწყებიდან 24 საათის განმავლობაში;
• პნევმონიის სიმძიმის მაღალი ინდექსი11 ≥71 (ანუ PSI-ს შკალით პნევმონიის სიმძიმის ინდექსი III, IV, ან V) .
• პაციენტის წერილობითი თანხმობა.
პროცედურები
პაციენტები მკურნალობის მეთოდის მიხედვით შემთხვევითობის პრინციპით განაწილდნენ ორ ჯგუფად:
• 400 მგ მოქსიფლოქსაცინი ინტრავნურად/ორალურად 7-14 დღის განმავლობაში;
• 2 გ ცეფტრიაქსონი ინტრავნურად დღეში ერთხელ და 500 მგ ლევოფლოქსაცინი ინტრავენურად დღეში ორჯერ, და შემდეგ 500 მგ ლევოფლოქსაცინი ორალურად ორჯერ დღეში 7-14 დღის განმავლობაში.
რანდომიზირება სტრატიფიცირებული იყო PSI-ს (პნევმონიის სიმძიმის ინდექსი) მიხედვით (კლასი III, კლასი IV-V წინააღმდეგ). მკურნალობა ტარდებოდა ინტრავენურად მთელი პერიოდის განმავლობაში, დასაშვები იყო პაციენტების გადყვანა ორალურ მკურნალობაზე, თუ დააკმაყოფილებდნენ შემდეგ კრიტერიუმებს:
• ნორმალური ტემპერატურა სულ მცირე 24 საათის განმავლობაში;
• ლეიკოციტების რაოდენობა ნორმის ფარგლებში;
• სტაბილური ჰემოდინამიკა;
• კრეატინინის კლირენსი ≥ 20 მლ/წთ;
• ორალურად კვების და მედიკამენტების მიღების შესაძლებლობა.
ლევოფლოქსაცინის დოზის შეცვლა შესაძლებელი იყო პაცინეტის თირკმლის ფუნქციის მდგომარეობის მიხედვით.
ელექტროკარდიოგრაფიული გამოკვლევა (ეკგ) ჩატარდა პირველ და მესამე დღეს. გულმკერდის რადიოგრაფია, კლინიკური გამოკვლევის შედეგები და პაციენტთა კარდიალური სტატუსი შეფასდა დამოუკიდებელი დამკვირვებლების მიერ.
შედეგების ანალიზი
მკურნალობის ეფექტურობის პირველადი შეფასების კრიტერიუმი იყო კლინიკური რეაგირების ხარისხი განკურნების ტესტის მიხედვით (საკვლევი მედიკამენტის ბოლო მიღებიდან 4-14 დღის შემდეგ). შესაბამისად, მკურნალობის შედეგები შეფასდა შემდეგ ჯგუფებში:
• per protocol (PP) (პროტოკოლის ცდის პირები): კვლევის პირობებით გათვალისწინებული მკურნალობა ტარდებოდა სულ მცირე 48 საათის (კლინიკური წარუმატებლობა), ან 5 დღის (კლინიკური განკურნება) განმავლობაში, კვლევის პროტოკოლის ძირითადი მოთხოვნების დარღვევის გარეშე (≥80%-იანი შესაბამისობა).
• მიკრობიოლოგიურად კონტროლირებადი ჯგუფი: ჩაუტარდათ მკურნალობის შესაბამისი კურსი. აღმოჩენილია სულ მცირე ერთი პათოგენი პრეთერაპიულ კულტურებში. პოსტთერაპიული ბაქტერიოლოგიური შეფასება ხელმისაწვდომია.
• მკურნალობის სურვილის მქონე პირები (ITT): ყველა რანდომიზირებული პაციეტი იღებდა საკვლევი პრეპარატის სულ მცირე ერთჯერად დოზას და ერთხელ მაინც გადიოდა შემოწმებას მკურნალობის დაწყების შემდეგ.
ყველა პაციენტის მკურნალობის ეფექტურობა (კლინიკური რეაგირება საკვლევი მედიკამენტის ბოლო მიღებიდან 4-14 დღის შემდეგ) სისტემატურად „ბრმად“ ფასდებოდა დამოუკიდებელი კლინიკური რეაგირების შეფასების კომიტეტის (Clinical Response Evaluation Committee (CREC) მიერ.
სტატისტიკა
დემოგრაფიული და ძირითადი მახასიათებლები შეჯამდა მცირე, სტანდარტული გადახრის, საშუალო, მეოთხედი, მინიმალური/მაქსიმალური (ხარისხობრივი მონაცემები), ან სიხშირის რაოდენობის გამოყენებით (რაოდენობრივი მონაცემები). შემოწმდა ჯგუფების ჰომოგენურობა. სამკურნალო ჯგუფებს შორის მკურნალობის კლინიკური შედეგების შეფასების ობიექტურობის დასადგენად, Mantel-Haenszel-ის ტესტით განისაზღვრა ორმხრივი სანდოობის ინტერვალი, რამაც 95% შეადგინა

შედეგები
კვლევა ტარდებოდა 17 ქვეყნის 71 ცენტრში. მონაწილეობდა 748 პაციენტი. აქედან, 738 (მოქსიფლოქსაცინი: 371; ცეფტრიაქსონი/ლევოფლოქსაცინი: 367) აირჩა შემთხვევითი წესით და 733-მა (მოქსიფლოქსაცინი: 368; ცეფტრიაქსონი/ლევოფლოქსაცინი: 365) მიიღო საკვლევი პრეპარატის სულ მცირე ერთჯერადი დოზა. per protocol (PP) შედგებოდა 569 პაციენტისაგან (ცხრილი 1). აქედან 336 (59.1%) პნევმონიის სიმძიმის ინდექსით განეკუთვნებოდა IV-V კლასს. ორივე ჯგუფი მსგავსი იყო დემოგაფიულ მახასიათებლების მიხედვით (ცხრილი 1).

დაავადების გამომწვევი ორგანიზმები დადგინდა ფლორის, შარდში ანტიგენის ტესტის, ან სისიხლის სეროლოგიური გამოკვლევით 205 (43.9%) პაციენტში. მათ შორის 198 (33.7%) დაინფიცირებული იყო ტიპიური პათოგენებით, 86-ს (15.1%) დაუდგინდა სულ მცირე ერთი ატიპიური პათოგენი და 28-ს (4.9%) აღმოაჩნდა შერეული ინფექცია, გამოწვეული ტიპიური და ატიპიური პათოგენებით.
მკურნალობის საშუალო (± სტანდარტული გადახრა) ხანგრძლივობა იყო 11.2±3.0 დღე მოქსიფლოქსაცინის ჯგუფში და 11.6±3.0 დღე ცეფტრიაქსონი/ლევოფლოქსაცინის ჯგუფში. ორალურ მკურნალობაზე გადაიყვანეს მოქსიფლოქსაცინის ჯგუფში 226 (77.7%) და კომბინირებული თერაპიის ჯგუფში 215 (77.3%) პაციენტი. ინტრავენური მკურნალობის საშუალო ხანგრძლივობა იყო 6.1±2.8 და 6.6±3.4 დღე და ორალურ თერაპიაზე გადაყვანის დღეთა საშუალო რაოდენობა იყო 5.8±2.0 და 6.0±2.3 დღე. მთლიანად 372 (65.4%) პაციენტს დაენიშნა სულ მცირე 5 დღიანი ინტრავენური თერაპია.
ეფექტურობა
სრული კლინიკური განკურნება აღინიშნა 86.95% (253/291) მოქსიფლოქაცინის ჯგუფში და 89.9% (250/278) ცეფტიაქსონი/ლევოფლოქსაცინის ჯგუფში (გრაფიკი 1). სანდოობის ინტერვალი იყო 95% (მერყეობდა-8.1%-დან 2.2%-მდე), რაც მიუთითებს იმაზე, რომ ორივე სახის მკურნალობის შედეგად მიღებულ განკურნების მაჩვენებლებში მნიშვნელოვანი განსხვავება არ ყოფილა. იგივე შედეგები იქნა მიღებული მკურნალობის სურვილის მქონე პაციენტებში (მოქსიფლოქსაცინი: 79.6%; ცეფტიაქსონი/ლევოფლოქაცინი: 83.8%; 95% სანდოობის ინტერვალი: (-9.7-1.4%) და მიკრობიოლოგიურად კონტროლირებად ჯგუფში (დიაგრამა 1).

მოქსიფლოქსაცინით და ცეფტრიაქსონი/ლევოფლოქსაცინით მკურნალობამ აჩვენა მსგავსი შედეგი PSI-ს შკალით პნევმონიის სიმძიმის ინდექსის III, IV კლასის პაციენტებში, აგრეთვე ხნიერ (≥65) და ახალგაზრდა პაციენტებში (დიაგრამა 2). პნევმონიის სიმძიმის ინდექსის V კლასის პაციენტებში მკურნალობის მიუხედავად, ნაკლებად აღინიშნა კლინიკური განკურნება, რაც მოსალოდნელი იყო სიკვდილიანობის მაღალი მაჩვენებლის გამო.

უსაფრთხოება
მკურნალობის დროს გვერდითი მოვლენები აღინიშნა 208/368 (56.5%) პაციენტში მოქსიფლოქსაცინის ჯგუფში და 193/365 (52.9%) პაციენტში ცეფტრიაქსონი/ლევოფლოქსაცინის ჯგუფში და ერთნაირი იყო ორივე ჯგუფში. ყველაზე ხშირად ადგილი ჰქონდა დიარეას (მოქსიფლოქსაცინი: 8.4%; ცეფტრიაქსონი/ლევოფლოკაცინი: 4.1 %), რომელიც განუვითარდა პაციენტთა ≥2% ორივე ჯგუფში. QT ინტერვალის გახანგრძლივება აღნიშნა 13 პაციენტში (3.5%) მოქსიფლოქსაცინის ჯგუფში და 10 პაციენტში (2.7%) ცეფტრიაქსონი/ლევოფლოქაცინის ჯგუფში. კარდიალური დარღვევები (ძირითადად წინაგულების ფიბრილაცია) დაფიქსირდა 25 პაციენტში თითოეულ ჯგუფში, ჯგუფებს შორის არ ყოფილა რაიმე მნიშვნელოვანი განსხვავება.
სულ გარდაიცვალა 25 პაციენტი (6.8%) მოქსიფლოქსაცინის ჯგუფში და 15 (4.1%) ცეფტრიაქსონი/ლევოფლოქაცინის ჯგუფში (P=0.11); გამოკვლევის შედეგად დადგინდა, რომ ლეტალობა არ იყო დაკავშირებული მედიკამენტთან.
ლეტალობა უშუალოდ პნევმონიით იყო გამოწვეული 12 მოქსიფლოქსაცინით ნამკურნალებ პაციენტში და 8 ცეფტრიაქსონი/ლევოფლოქაცინით ნამკურნალებ პაციენტში. ამათგან, გარდა ერთი პაციენტისა მოქსიფლოქსაცინის ჯგუფში და სამისა ცეფტრიაქსონი/ლევოფლოქაცინის ჯგუფში, ყველა იყო პნევმონიის სიმწვავის ინდექსის IV ან V კლასის პაციეტი.

დასკვნები
400 მგ მოქსიფლოქსაცინის იტრავენური/ორალური მიღება დღეში ერთხელ ისევე ეფექტურია საყოფაცხოვრებო პნევმონიის მკურნალობისას, როგორც კომბინაცია დღეში ორჯერ ცეფტრიაქსონის მაღალი დოზისა ინტრავენურად (2გ დღეში) და ინტრავენურ/ორალური ლევოფლოქსაცინის მაღალი დოზისა (500მგ ორჯერ დღეში).
ეფექტურობის თვალსაზრისით, მოქსიფლოქსაცინი აღმოჩნდა ექვივალენტური ცეფტრიაქსონისა და ლევოფლოქსაცინის კომბინაციისა იმ პაციენტებშიც კი, რომელთაც ქონდათ მძიმე პნევმონია (IV-V კლასი).
ორივე შემთხვევაშო გვერდითი მოვლენები ერთნაირი სიხშირით იყო გამოვლენილი.

ლიტერატურა

ნანახია: 5088 | შეფასებულია: 1 | რეიტინგი: [5.00]  



შეფასება

შესაფასებლად გაიარეთ ავტორიზაცია, ან დარეგისტრირდით


კომენტარები

კომენტარის დასამატებლად გაიარეთ ავტორიზაცია, ან დარეგისტრირდით



სახელი

პაროლი


2010 | მაისი–ივნისი | 16

2010 | მარტი–აპრილი | 15

2010 | იანვარი–თებერვალი | 14

2009 | ნოემბერი–დეკემბერი | 13

2009 | სექტემბერი–ოქტომბერი | 12

2009 | ივლისი–აგვისტო | 11

2009 | მაისი–ივნისი | 10

2009 | მარტი–აპრილი | 9

2009 | იანვარი–თებერვალი | 8

2008 | ნოემბერი–დეკემბერი | 7

2008 | სექტემბერი–ოქტომბერი | 6

2008 | ივლისი–აგვისტო | 5

2008 | მაისი–ივნისი | 4

2008 | მარტი–აპრილი | 3

2008 | იანვარი–თებერვალი | 2

2007 | ნოემბერი–დეკემბერი | 1


ჯანდაცვის მსოფლიო ორგანიზაცია

საქართველოს შრომის, ჯანმრთელობის და სოციალური დაცვის სამინისტრო

თბილისის სახელმწიფო სამედიცინო უნივერსიტეტი

ქართული google


დარეგისტრირებულია: 526

ამჟამად საიტზეა: 2

თქვენ ხართ სტუმარი No: 1248039


საიტის ავტორი: კობა კურტანიძე
© Copyright 2009-2017 MODERNPUBLISHING.GE
საიტზე არსებული მასალის გამოყენება ან გავრცელება, საიტის ადმინისტრაციის ნებართვის გარეშე, აკრძალულია.